Տիգրան Սարգսյանի և Տարոն Մարգարյանի «Վարդանանց քայլերթը» միանշանակ չի ընդունվել

● Լրահոս

16.02.2012 ● 15:53

Տիգրան Սարգսյանի և Տարոն Մարգարյանի «Վարդանանց քայլերթը» միանշանակ չի ընդունվել

Այսօր Վարդանանց սուրբ նահատակների հիշատակության տոնի կապակցությամբ Երևանի Ս. Զորավոր եկեղեցուց կազմակերպվել էր քայլերթ, որին մասնակցել են նաև վարչապետ Տիգրան Սարգսյանը և Երևանի քաղաքապետ Տարոն Մարգարյանը: Երթին մասնակից հոգևորականները, երիտասարդները, հասարակական և ուսանողական կազմակերպությունների ներկայացուցիչները շարժվել են դեպի Խանջյան փողոց, որտեղ Վարդան Մամիկոնյանի արձանին հարակից տարածքում տեղի է ունեցել օրվա խորհուրդը ներկայացնող մշակութային միջոցառում:

Երթը կազմակերպել էր Հայաստանի հանրապետական կուսակցության երիտասարդական կազմակերպությունը:

Երթին Տիգրան Սարգսյանի և Տարոն Մարգարյանի մասնակցությունը, սակայն, միանշանակ չի ընդուվել ֆեյսբուքյան որոշ օգտատերերի կողմից։ Տարոն Մարգարյանի էջում ծավալված քննարկումներում կարդում ենք.

«Լավ կլիներ՝ մարդա մի–մի հատ բահ վերցնեին ու ձյունը մաքրեին»,–գրել է նրանցից մեկը։

Մյուսն էլ ավելացրել է. «Գուցե էսքան տղամարդիկ անհոգ ճեմելու փոխարեն քաղաքի ձյո՞ւնը մաքրեին»։

Ի պատասխան՝ մեկն էլ նկատել է. «Իսկի անցած ձյունը մաքրած չի, ուր մնաց էսօրվանը»։

Օգտատերերից մեկն էլ ընդգծել է՝ անարդար է, որ նրանք են «Վարդանանց երթ»-ի առջևից քայլում։

Եղել են նաև պաշտպանական գրառումներ։ Զորօրինակ՝ «Հերիք ա բողոքեք, էս ի՞նչ ազգ ա», «Քո հայրենի ազգն ա», «Ձեր պատկերացմամբ՝ ո՞վ պետք է քայլեր երթի առջևից։ Հիշեցնեմ, որ երթը կազմակերպված էր ՀՀԿ ԵԿ–ի կողմից»։